1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Ujumbe wa Umoja wa Afrika umeanza mazungumzo nchini Libya

Kanali Gaddafi aukubali mpango wa amani uliowasilishwa na ujumbe wa Umoja wa Afrika,

default

Kiongozi wa Libya Kanali Gaddafi

Ujumbe wa ngazi za juu wa Umoja wa Afrika wakiwemo marais wanne, umeanza juhudi za kusuluhisha nchini Libya.

Baada ya kukutana na kiongozi wa nchi hiyo Kanali Gaddafi mjini Tripoli , Rais Zuma wa Afrika Kusini amesema kuwa serikali ya Libya imeukubali mpango wa amani uliowasilishwa na Umoja wa Afrika.

Ujumbe huo sasa unatarajiwa kukutana na wawakilishi wa wapinzani katika mji wa Benghazi.Hapo awali ujumbe wa Umoja wa Afrika ulisisitiza ulazima wa kusimamisha mapigano yote na kuanzisha kipindi cha mpito ili kuelekea kwenye mageuzi. Lakini msemaji wa wapinzani ameeleza kuwa mapigano asilani hayatasimamishwa ikiwa Gaddafi hatajiuzulu kwanza.

Ujumbe wa Umoja wa Afrika umewasili nchini Libya huku ndege za jumuiya ya kijeshi ya NATO zikifanya mashambulio na kuviteketeza vifaru 25 vya majeshi ya Gaddafi.

Wakati huo huo mapigano makali yameendelea katika miji ya Adjabiya na Misrata.Na kamanda wa waasi ameeleza kuwa mashambulio yaliyofanywa na ndege za NATO yalisaidia kuyazuia majeshi ya Gaddafi kusonga mbele katika mji wa Adjabiya.

Waliokuwamo katika Ujumbe wa nchi za Umoja wa Afrika ni pamoja na Rais Jacob Zuma wa Afrika Kusini,Marais wa Mali,Congo,Mauritania na waziri wa mambo ya nje wa Uganda. Wajumbe hao walilakiwa na wafuasi wa Gaddafi waliokuwa na picha za kiongozi wao na bendera za rangi ya kijani za utawala wake.

  • Tarehe 11.04.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10r7Y
  • Tarehe 11.04.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10r7Y

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com