1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TOKIO: Korea ya Kaskazini kufunga mtambo wa nyuklia

Korea ya Kaskazini na Marekani zimekubaliana kufunga mtambo wa nyuklia wa Yongbyon katika kipindi cha majuma matatu yajayo.Hayo alitamka naibu waziri wa nje wa Marekani,Christopher Hill alipozungumza na waandishi wa habari mjini Tokio. Amesema,wakaguzi wa nyuklia wa Umoja wa Mataifa watawasili Korea ya Kaskazini siku ya Jumanne. Wataalamu hao watafanya matayarisho ya kuufunga mtambo wa Yongbyon ambao ni kitovu cha mradi wa nyuklia wa Korea ya Kaskazini.Hiyo itakuwa ziara ya kwanza kufanywa na wakaguzi wa Shirika la Nishati ya Atomu la Umoja wa Mataifa-IAEA-tangu miaka mitano iliyopita,baada ya kutimuliwa na kiongozi wa Korea ya Kaskazini,Kim Jong Il mwishoni mwa mwaka 2002.Mapema mwaka huu,katika majadiliano ya pande sita juu ya mzozo wa nyuklia wa Korea ya Kaskazini,mojawapo ya vifungu vya makubaliano yaliyofikiwa,ni kuufunga mtambo wa Yongbyon.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com