1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Taleban washambulia makao mkuu ya Polisi Afghanistan

KABUL.Watu watano wameuawa na wengine kadhaa kujeruhiwa baada ya gari lililokuwa na milipuko kulipuka nje ya ofisi ya Meya wa jiji la Kabul ambayo inapakana na makao makuu ya polisi.

Kundi la Taliban limedai kuhusika na shambulizi hilo, ambapo limesema kuwa makao makuu hayo ya polisi ndiyo yalikuwa lengo la shambulizi hilo.

Msemaji wa kundi hilo la Taliban Zabiullah Mujahed amesema kuwa shambulizi hilo halikuwa la kujitoa mhanga, mbinu ambazo zimekuwa zikitumiwa na kundi hilo.

Kwa upande wake Msemaji wa Wizara ya Mambo ya Ndani ya Afghanistan Zemari Bashar amesema kuwa waliyouawa ni raia na kwamba polisi wawili walijeruhiwa.

Tarehe 5 mwezi huu watu 13 waliuawa na wengine kadhaa kujeruhiwa baada ya mshambuliji wa kitaliban kujitoa mhanga kwa kulibamiza gari lililokuwa na milipuko kwenye basi la jeshi la Afghanistan.

  • Tarehe 15.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cc2u
  • Tarehe 15.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cc2u

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com