1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Shirika la fedha la kimataifa laonya uchumi usizidi kuzorota

Picha ya kutisha ya shughuli za kiuchumi za dunia imetolewa na shirika la fedha la kimataifa muda mfupi kabla ya mkutano wake wa msimu wa mapukutiko kuanza kesho mjini Washington

default

Nembo ya mkutano wa kesho wa IMF na benki kuu ya dunia msimu wa mapukutiko

Wakishindwa hadi wakati huu kumaliza migogoro ya fedha inayozitikisa nchi za eneo la sarafu ya Euro, mabwana fedha wakubwa wakubwa wa dunia wamekusanyika mjini Washington kudhihirisha kwa pamoja kwamba wanaweza kuzuwia uchumi usiporomoke, tena bila ya kuzidisha mzigo wa madeni.

Picha iliyochorwa jana usiku na shirika la fedha la kimataifa haisaidii kutuliza hali ya mambo katika masoko ya hisa: kudorora hali jumla ya kiuchumi na matarajio duni hasa kwa nchi za magharibi, kikiwepo hata kitisho cha kuzorota upya ukuaji wa kiuchumi nchini Marekani na Ulaya ikiwa serikali hazitatekeleza ahadi zao.

Akichambua makadirio ya maendeleo ya uchumi wa dunia mjini Washington jana, mkuu wa shughuli za kiuchumi wa shirika la fedha la kimataifa, Olivier Blanchard, amesema

"Uchumi wa dunia umeingia katika awamu mpya na ya hatari kupita kiasi. Ishara za uchumi kufufuka upya zimedhoofika na hatari ya kudorora upya shughuli za kiuchumi imeongezeka sana. Kinachohitajika hivi sasa ni hatua kali na za dhati za serikali ili kuweza kuimarisha makadirio ya ukuaji wa kiuchumi na kupunguza kitisho kilichoko."

G7-Finanzminister beraten‎ in Marseille Frankreich Christine Lagarde 2011

Mkuu wa shirika la fedha la kimataifa Christine Lagarde

Makadirio hayo yanathibitisha hali iliyochomoza tangu msimu wa kiangazi. Hata hivyo, mawaziri wa fedha wa dunia wanashindwa kutoa risala za kutuliza hali ya mambo.

"Jibu la maana lililoahidiwa Sepetmber 7 na nchi 7 tajiri -G7- halikusaidia kitu.Na mawaziri wa fedha wa Umoja wa Ulaya na Marekani waliagana jumamosi iliyopita nchini Poland bila ya kufikia makubaliano wala kutangaza tiba yoyote ya migogoro inayozikaba upya nchi za zoni ya Euro.

Kwa mujibu wa makadirio ya hali ya kiuchumi ya dunia yaliyofafanuliwa jana na shirika la fedha la kimataifa-IMF- uchumi wa dunia unaweza kukuwa kwa kiwango cha wastani cha asili mia nne tu na sio asili mia nne na nusu kama ilivyokadiriwa msimu wa kiangazi mwaka huu. Katika nchi zinazoinukia kiuchumi shirika la fedha la kimataifa linakadiria ukuaji wa kiuchumi wa asili mia 6.5 na katika nchi zilizoendelea ukuaji wa kiuchumi hautapindukia asili moja moja nukta sita mwaka huu.

Dilma Rousseff

Rais wa Brazil Dilma Rousseff

Wawakilishi wa kundi la nchi zinazoinukia, zikiwemo Brazil, Urusi, India, China na Afrika kusini wamewasili Washington wakipania kubainisha hakuna maamuzi yanaweza kupitishwa bila ya wao pia kushirikishwa.

Mwandishi:Hamidou Oummilkheir/afp

Mhariri: Miraji Othman

  • Tarehe 21.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12dPS
  • Tarehe 21.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12dPS

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com