1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SAO PAOLO: Papa Benedikt aonya kuhusu maafa ya kijamii

Papa Benedikt wa 16 akiendelea na ziara yake ya siku tano nchini Brazil aliwahotubia vijana katika uwanja wa mpira mjini Sao Paolo.Kiongozi huyo wa Kanisa la Katoliki aliwaonya vijana dhidi ya madawa ya kulevya,ulajirushwa,uteketezaji wa misitu ya Amazon na uhusiano wa kijinsia kabla ya ndoa.Hapo awali,Papa Benedikt alikutana na Rais Luiz Inacio Lula da Silva mjini Sao Paolo.Kwa mujibu wa maafisa wa serikali ya Brazil,mada mbali mbali zilijadiliwa na viongozi hao wawili, ikiwa ni pamoja na masuala ya elimu na njia za kuimarisha dhima za familia katika jamii.Lakini hawakugusia suala gumu linalohusika na kitendo cha kutoa mimba.Leo hii,Papa Benedikt atasoma misa kwenye uwanja mmoja wa ndege mjini Sao Paolo,ambako atatangaza utakatifu wa mtawa Antonio Galvao wa karne ya 18.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com