1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ROMA: Prodi akaribia kurejea wadhifa wake

Romano Prodi anakaribia kurejea katika wadhifa wake wa waziri mkuu wa Italia baada ya kupata uungwaji mkono na serikali yake ya mseto ya mrengo wa kati na kushoto.

Rais wa Italia, Giorgio Napolitano, anaendelea na mazungumzo kujaribu kuutanzua mzozo wa kisiasa nchini humo. Atanatakiwa kuamua ikiwa waziri mkuu Prodi au kiongozi mwengine ataunda serikali mpya ya mseto au aitishe uchaguzi mpya nchini Italia.

Romano Prodi alijiuzulu juzi Jumatano baada ya serikali yake ya mseto kushindwa kwenye kura iliyopigwa bungeni.

Mswada uliopigiwa kura ulihusu mpango wa kurefusha muda wa wanajeshi 2,000 wa Italia walio nchini Afghanistan na upanuzi wa kambi ya jeshi la Marekani katika mji wa kaskazini wa Vicenza.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com