1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Richard Holbrooke aaga dunia

Kwa miaka 50 Holbrooke ambaye alikuwa na umri wa miaka 69, alitumika kama mjumbe na alianza kufanya kazi katika wizara ya nje, huko Vietnam.

default

Richard Holbrooke, amefariki.

Mjumbe wa Marekani nchini Afghanistan na Pakistan Richard Holbrooke, ameaga dunia. Holbrooke alifariki usiku wa kuamkia leo baada ya kufanyiwa upasuaji, kurekebisha mpasuko katika mshipa mkubwa wa damu wa upande wa kushoto wa moyo. Holbrooke alianguka na kupoteza fahamu alipokuwa katika afisi ya Waziri wa mambo ya nje wa Marekani Hillary Clinton siku ya Ijumaa. Holbrooke ambaye alilazwa katika hospitali ya George Washington alifanyiwa upasuaji uliochukua muda wa saa 20. Mapema jana Bi Clinton alisema mjumbe huyo alikuwa katika hali mbaya. Kifo cha Holbrooke kinatokea wakati rais Barack Obama anajitayarisha kuzindua awamu ya pili ya mkakati wa vita nchini Afghanistan. Holbrooke ambaye pia alihudumu kama balozi wa zamani hapa Ujerumani, anafahamika zaidi kwa mchango wake katika kupatikana ule mkataba wa amani wa Dayton mwaka 1995 uliomaliza vita vya miaka mitatu huko Bosnia. Katika risala yake Waziri wa mambo ya nje wa Marekani, Hillary Clinton amesema Marekani imempoteza mtu shujaa na shupavu.

  • Tarehe 14.12.2010
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/QXXm
  • Tarehe 14.12.2010
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/QXXm

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com