1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Rais wa Yemen aahidi kujibu mashambulizi

Yemen inaelekea katika vita vya wenyewe kwa wenyewe wakati Rais Ali Abdullah Saleh leo akiahidi kujibu mashambulizi baada ya kujeruhiwa kwa maroketi yaliyofyatuliwa na wapinzani wa kundi la makabila kwenye Ikulu.

default

Rais wa Yemen, Ali Abdullah Saleh

Rais Saleh ambaye kwa miezi kadhaa amekuwa anakabiliwa na upinzani dhidi ya utawala wake, alijeruhiwa kidogo kisogoni. Serikali ya Rais Saleh inalishutumu kundi hilo la kikabila linaloongozwa na Sheikh Sadiq al-Ahmar kuhusika na shambulio hilo.

Jemen Protest gegen Regierung

Kiongozi wa kikabila Yemen, Sadiq al-Ahmar (Kulia) akiwa na afisa wa polisi anayeipinga serikali

Katika taarifa iliyotolewa jana jioni, Rais Saleh ambaye anatibiwa katika hospitali ya wizara ya ulinzi mjini Sanaa, amesema anaendelea vizuri na kuongeza kusema kuwa mashambulio hayo yamewaua watu saba.

Wakati huo huo, Ujerumani leo imeamuru kufungwa kwa ubalozi wake nchini Yemen na kurudishwa haraka kwa wafanyakazi wake kutokana na machafuko yanayoendelea nchini humo.

Taarifa ya wizara ya mambo ya nchi za nje imesema japokuwa mapigano kwenye mji mkuu wa Sanaa hayawalengi raia wa kigeni, hatari iliyopo ndiyo imeisababisha wizara hiyo kuchukua uamuzi huo.

Mwandishi: Grace Patricia Kabogo (AFP)
Mhariri: Mohamed Dahman

  • Tarehe 04.06.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/11UFE
  • Tarehe 04.06.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/11UFE

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com