1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Rais Sarkozy awaasa viongozi wa Lebanon kuzingatia makubaliano

-

BEIRUT

Rais Nicolas Sarkozy wa Ufarsansa amewatolea mwito viongozi wa Lebanon kuzingatia maridhiano kupitia mazungumzo na kujitolea katika makubaliano yaliyofikiwa ambayo yalituliza ghasia zilizokaribia kuitumbukiza tena nchi hiyo kwenye vita vya wenywe kwa wenyewe.

Sarkozy ambaye anaongoza ujumbe mzito katika ziara ya siku moja nchini humo ni kiongozi wa kwanza wa nchi za magharibi kutembelea Lebanon tangu kuchaguliwa Michel Suleiman kuwa rais mwezi ulopita.

Mazungumzo ya amani ya nchi hiyo yalisimamiwa na wapatanishi wa Qatar na kufikiwa makubaliano mjini Doha baada ya kutokea vurugu mbaya kabisa nchini Leabon ambazo hazijawahi kushuhudiwa tangu vita vya mwaka 1975 hadi mwaka 1990. Mkuu wa majeshi Michel Suleiman alichaguliwa rais chini ya makubaliano hayo ya Qatar lakini viongozi wamekuwa wakiendelea kuvutana bado juu ya kuunda serikali ya umoja wa kitaifa. Sarkozy amezungumza na Suleiman kabla ya kukutana katika dhifa ya mchana kwenye makao ya rais ambayo itahudhuriwa na viongozi wa vyama vikuu vya kisiasa nchini Lebanon ikiwa ni pamoja na chama cha Hezbollah.

  • Tarehe 07.06.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/EFIo
  • Tarehe 07.06.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/EFIo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com