1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

OSLO: Nchi zataka kupigwa marufuku mabomu mtawanyo

Nchi 46 zilizokuwa zikikutana mjini Oslo Norway zimetia saini makubaliano ya kutafuta mkataba wa kupiga marufuku mabomu ya mtawanyo ifikapo mwakani.

Uingereza ambayo ni mtumiaji mkuu na pia kuwa na akiba kubwa ya mabomu hayo na Ufaransa ambayo ni mtengenezaji mkuu wa mabomu hayo ni miongoni mwa nchi zilizosaini makubaliano hayo.Japani, Poland na Romania zimekataa kusaini makubaliano hayo wakati mataifa mengine muhimu kama vile Israel,Marekani, China na Urusi hayakushiriki mkutano huo wa Oslo.

Wale wanayoyashutumu mabomu hayo ya mtawanyo wanasema kwamba silaha hizo zinasababisha madhara kwa kiwango kikubwa kisichokukabalika kwa raia.

Makamanda wa kijeshi wanayaona mabomu hayo kuwa silaha yenye ufanisi ambayo huwawezesha kushambulia eneo kubwa kwa pigo moja.

Marekani imesema haitounga mkono kupigwa marufuku kwa matumizi ya silaha hizo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com