1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NEW YORK: Umoja wa Mataifa wafadhaishwa na mzozo wa Somalia.

Baraza la Usalama la Umoja wa Mataifa limeelezea kufadhaishwa na mzozo unaoendelea nchini Somalia.

Balozi wa Russia wa Umoja wa Mataifa, Vitaly Churkin, amewaambia waandishi wa habari baada ya mkutano wa faragha kwamba nchi wanachama wa baraza hilo zinaunga mkono kupelekwa haraka iwezekanavyo wanajeshi wa Umoja wa Afrika wa kulinda amani nchini Somalia.

Baraza hilo pia limeunga mkono mpango wa Umoja wa Mataifa wa kupeleka kundi la wataalamu kutathmini misaada ya kibinadamu inayohitajika nchini humo.

Mjumbe wa Marekani, Jackie Sanders, alisema alilipatia baraza hilo taarifa kuhusu shambulio lililofanywa siku ya Jumatatu nchini Somalia likiwalenga wafuasi wa kundi la al Qaeda.

Bi Jackie Sanders alisema hatua hiyo ya Marekani haikukabiliwa na upinzani wowote kwenye mkutano huo.

Hata hivyo, Katibu Mkuu wa Umoja wa Mataifa, Ban Ki-Moon, ametahadharisha huenda hatua hiyo ya Marekani ikazidisha ghasia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com