1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NAIROBI: Tetemeko la ardhi laikumba Afrika Mashariki

Tetemeko kubwa la ardhi limelikumba eneo la Afrika Mashariki leo. Hayo ni kwa mujibu wa taasisi ya jiolojia ya Marekani, USGS.

Tetemeko hilo ni la pili kufuatia tetemeko lengine lililotokea juzi Jumamosi. Taasisi ya USGS imesema kwenye tovuti yake kwamba tetemeko la kiwango cha 5.2 katika kipimo cha Richter limelitikisa eneo la kaskazini mwa Tanzania, yatapa kilomita 85 kaskazini magharibi mwa mji wa Arusha.

Mitetemeko hiyo imefika hadi mji mkuu wa Kenya, Nairobi, umbali wa kilomita 180, ambako majumba ya makaazi na majengo marefu yalitisikia kidogo kwa dakika kadhaa.

Kenya na Tanzania ziko katika eneo linalokabiliwa na hatari ya mitetemeko la bonde la ufa.

Mitetemeko ya sasa imezusha wasiwasi mpya tangu wafanyakazi kwenye majumba marefu mjini Nairobi walipokimbia kutoka ofisini mwao wakati mji huo ulipokumbwa na mitetemeko kwa siku tano mwezi uliopita.

Maafisa wa jiolojia nchini Kenya hawajathibitisha kitovu cha mitetemeko ya mwishoni mwa juma.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com