1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOSCOW: Wagonjwa 45 wamefariki katika moto

Watu 45 wamefariki katika moto uliotokea Moscow nchini Urussi,kwenye hospitali inayowasaidia watu wanaotumia madawa ya kulevya,kurejea katika maisha ya kawaida bila ya madawa hayo.Isipokuwa kwa wawili,wahanga hao walikuwa wasichana waliokuwa watumiaji sugu wa madawa ya kulevya na walikuwa wakipokea matibabu katika hospitali hiyo.Maafisa wamesema,watu 10 wamejeruhiwa katika moto huo,baadhi yao wakiwa katika hali mbaya.Zaidi ya 100 wengine waliweza kutolewa nje ya jengo.Wahanga wote walikuwa katika wodi ya kike kwenye ghorofa ya pili ya jengo hilo lenye ghorofa tano.Kwa mujibu wa afisa wa zimamoto wa ngazi ya juu,moto huo ulianazishwa kwa makusudi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com