1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOSCOW : Mzozo wa mafuta watatuliwa

Urusi na Belarus zimetia saini makubaliano rasmi yenye kutatuwa mzozo wa kupitisha mafuta ambao umetibuwa usambazaji kupitia bomba kuu kutoka Urusi kwenda Ulaya.

Vyombo vya habari vya Urusi vimemkariri Waziri Mkuu wa Urusi Mikhail Fradkov akisema kwamba umefikiwa uvumbuzi unowiana.Makubaliano hayo yanahusu fani mbali mbali za taratibu za biashara ya mafuta kati ya nchi hizo ambapo serikali ya Urusi ilisema huko nyuma kwamba zinatumiwa visivyo haki na Belarus.

Mzozo huo ulisababisha kufungwa kwa bomba kuu la Urusi la kusafirisha mafuta nje hapo Jumatatu na kudumu hadi Jumaatano na hiyo kutibuwa usambazaji wa mafuta kuelekea nchi za Umoja wa Ulaya na kuchafuwa sifa ya Urusi kama ni nchi inayoweza kuaminika kwa usambazaji wa nishati.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com