1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Mogadishu. Mapigano yazuka tena.

Milipuko miwili pamoja na mapigano yaliyodumu kwa muda mrefu yamelitikisa eneo la kaskazini ya mji mkuu Mogadishu usiku wa jana , na kusababisha watu wawili kuuwawa , wakati polisi waliwauwa watu wengine wawili wanaosadikiwa kuwa walikuwa waporaji.

Maafisa wa serikali wamekataa kusema lolote kuhusiana na milipuko iliyosikika usiku kucha pamoja na milio ya bunduki katika mji huo mkuu wa Somalia, lakini watu walioshuhudia wamesema kuwa mlipuko mmoja unaonekana kuwa umesababishwa na wapiganaji wakati waliporusha mlipuko huo dhidi ya kituo cha polisi katika wilaya ya Huriwaa.

Hakuna afisa wa polisi aliyeripotiwa kujeruhiwa. Mlipuko mwingine umeripotiwa kutokea katika kituo cha kijeshi cha jeshi la Ethiopia na kusababisha mapigano ya muda mrefu, lakini haikufahamika nani anapigana na nani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com