1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mkutano wa kimataifa wamalizika Durban

Mkutano wa 17 wa kimataifa kuhusu tabia nchi umemalizika jana mjini Durban.Yalikuwa majadiliano makali na yaliyodumu muda mrefu zaidi kuwahi kushuhudiwa katika historia ya mikutano ya tabia nchi ya Umoja wa mataifa.

Zwei Kinder mit einem WWF-T-Shirt stehen am Mittwoch (07.12.2011) am Strand von Durban vor einer stilisierten Erde. Mit einer symbolischen Übergabe einer von südafrikanischen Kunsthandwerkern gefertigten Weltkugel von Generation zu Generation appellierten die Umweltschützer an die Delegationen die Verhandlungen zu einem greifbaren Ergebnis zu fuehren. Foto: Sayed/Handout WWF SA dpa (zu dpa 0776 am 08.12.2011) +++(c) dpa - Bildfunk+++

Watoto-kizazi kicaho na mtihani wa mabadiliko ya tabia nchi

Kwa mara nyengine tena imedhihirika katika mkutano huu wa Durban kwamba walimwengu hawana moyo wa kisiasa kuweza kukabiliana ipasavyo na mabadiliko ya tabia nchi. Mataifa mengi yanataka kuchangia kidogo tu. Marekani, Canada, Rashia, India na China-tukiyataja mataifa hayo matano tu.

Kizazi kipya kitakapotafakari yaliyofikiwa wakati wa mikutano kama hii ya kimataifa, basi nionavyo mie jibu lao litakuwa kali kupita kiasi. Kwasababu tunatambua kile tukifanyacho.

epa03028144 YEARENDER 2011 NOVEMBER Cyclists power lights on an installation depicting a Baobab tree part of a renewable energies display on Durban's beachfront during the COP 17 / CMP 7 United Nations (UN) Climate Change Conference 2011 in Durban, South Africa, 29 November 2011. COP 17 is the 17th session of the Congress of the Parties (COP) comprising 194 countries meeting to discuss the United Nations Framework Convention on Climate Change (UNFCCC) between 28 November and 09 December 2011. EPA/NIC BOTHMA +++(c) dpa - Bildfunk+++

Mbuyu hauna majani

Kwanza upande wa kisayansi: watafiti wa hali ya hewa kwa miaka sasa wamekuwa wakionya: ikiwa moshi unaotoka viwandani hautapunguzwa haraka na kwa kiwango kikubwa, basi balaa la kuzidi ujoto katika sayari yetu halitaepukika.

Pili: kwa upande wa kiufundi, tuna kila kitu kinachohitajika kuweza kutengeneza nishati isiyochafua hali ya hewa. Nishati inayotokana na nguvu za upepo, inapatikana tayari kwa bei hafifu sawa na nishati inayotokana na mafuta, na nguvu za jua. Upepo na juwa vinapatikana pomoni katika dunia yetu kuweza kukidhi sehemu kubwa ya mahitaji ya nishati inayopatikana kutokana na makaa mawe, mafuta na gesi.

Tatu: Ni kwa upande wa kiuchumi mwanauchumi wa Uengereza Nicholas Stern ameonya katika ripoti yake, miaka chungu nzima iliyopita kwamba madhara ya mabadiliko ya tabia nchi yatatugharimu fedha nyingi zaidi ikiwa hatutawajibika kuanzia sasa.

Lakini wanasiasa hawafanyi chochote: Sababu ni nyingi tuu. kwanza hali hiyo inatokana na ushawishi wa mashirika makubwa makubwa ya nishati, mfano ya mafuta na makaa mawe yanayohofia kuondoka patupu, mfumo wa sasa utakapofanyiwa marekebisho. Na sababu nyengine inatokana na ukosefu wa shinikizo la umma.Yadhihirika kana kwamba watu wanahisi mabadiliko ya tabia nchi si jambo linalotuhusu hivyo, kwa hivyo hakuna haja ya watu kuingiwa na wasiwasi.

Riesenschnecke, Durban / Schneckentempo - Die UN-Klimaverhandlungen in Durban/Südafrika wurden zur Marathonveranstaltung Aufnahme: 10.12.2011, (Foto: DW/Helle Jeppesen)

Makubaliano ya Durban yanalinganishwa na mwendo wa jongoo

Kwa watu wengi wa nchi masikini, kwa maneno mengine,wale ambao hawahusiki hata kidogo na kuchafuliwa hali ya hewa, kuzidi hali ya ujoto duniani inamaanisha kupungua mavuno, ukame, njaa na mafuriko. Kwa nchi hizo mabadiliko ya tabia nchi si suala la nyuzi joto,bali suala la kufa kupona.

Uamuzi wa Durban ni wa maana. La maana pia ni kuona itifaki ya Kyoto inarefushwa kwa kipindi kipya kinachozitaka nchi zote ziwajibike. La maana pia ni kuona kwamba majadiliano yamesaidia kufikiwa makubaliano timamu yanayozijumuisha pia nchi zinazoinukia na ambayo yataanza kufanya kazi kuanzia mwaka 2018.

Lakini hayo hayatoshi- kwasababu mkutano huu wa Durban peke yake hautoshi kuzuwia mabadiliko ya tabia nchi. Ndio maana majadiliano ziada yanahitajika.

Mwandishi:Beck Johannes/Hamidou Oummilkheir.

Mhariri: Miraji Othman

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com