1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ujerumani

Mjadala wa Televisheni kati ya Merkel na Schulz

Mamilioni ya Wajerumani waliutazama mjadala kati ya kansela wa Ujerumani Angela Merkel na mpinzani wake mkuu Martin Schulz. Mjadala huo uliendeshwa na mashirika manne makubwa ya Televisheni ya hapa nchini Ujerumani. 

Mjadala huo kwa kiasi kikubwa ulikuwa ndio fursa ya mwisho kwa viongozi hao ya kuwashawishi  wapiga kura ambao bado hawajaamua ni nani wanayetaka kumpigia kura. Martin Schulz alionekana kuwa na hofu mara mjadala huo wa Televisheni ulipoanza. Kiongozi huyo wa chama cha SPD aliendelea kubadili badili mada na tokea mwanzoni alitumia mkakati wa kuilaumu sera ya uhamiajii ya kansela Merkel na pia  kutoa ahadi kwamba ataichukulia hatua kali Uturuki iwapo atachaguliwa.

Deutschland TV Duell Merkel Schulz (Reuters/F. Bensch)

Kiongozi wa chama cha SPD Martin Schulz

Martin Schulz hakuweza kumshinda bibi  Merkel katika mjadala uliochukua muda wa dakika 97 ambao ulizingatia  masuala kama vile ya wakimbizi, Uislamu, sera za kigeni, kodi na usalama wa kijamii.

Deutschland TV Duell Merkel Schulz (Reuters/F. Bensch)

Kansela wa Ujerumani Angela Merkel

Kansela Angela alikuwa  mutulivu na alijaribu kuweka muonekano wa  kiongozi mwenye ujuzi ambaye yuko tayari kuiongoza Ujerumani katika nyakati za wasiwasi. Kuhusu Uturuki, Bi Merkel alikubali kuwa ilikuwa muhimu kuweka msimamo mkali dhidi ya Rais Recep Tayyip Erdogan, ambaye serikali yake imewakamata raia wawili Zaidi wa Ujerumani mnamo siku ya Jumamosi iliyopita.

Wagombea wote wawili waliendelea kujadiliana juu ya masuala mengine kwa njia iliyofanana kama walivyojadili juu ya Uturuki. Walikuwa tofauti katika maelezo yao lakini kwa kiasi kikubwa walikubaliana kwenye mambo mengi.

Wote wawili walisema kuwa Ulaya ina jukumu la kimaadili la kuwalinda wahamiaji wanaosafiri kupitia kwenye bahari ya Mediterranea ili wasife maji. Bi Merkel alitetea uamuzi wake wa utata wa kuwasaidia walinzi wa pwani ya Libya katika harakati za kuzuia safari za boti za wakimbizi kwenye pwani ya nchi hiyo. Martin Schulz kwa upande mwingine alitoa wito wa kuanzishwa kwa mfumo mpya wa uhamiaji ambao utawapa wahamiaji hao njia mbadala kuliko safari za hatari katika bahari ya Mediterranea.

Mjadala ulimalizika baada ya dakika 97 bila kuwa na mshindi wa wazi. Uchunguzi wa maoni ya wapiga kura uliofanywa mara baada ya mjadala huo na kituo cha runinga cha ZDF ullionyesha kuwa kansela Merkel alishinda kwa asilimia 32 na mpinzani wake Martin Schulz alipata asilimia 29 na asilimia 39 ya Wajerumani walikuwa hawana uhakika.

Mwandishi: Zainab Aziz/Daniel Pelz

Mhariri:Mohammed  Abdul-Rahman

 

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com