1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MESEBERG : Merkel na Chirac wajadili Airbus

Kansela Angela Merkel wa Ujerumani na Rais Jaques Chirac wa Ufaransa wametowa wito wa kugawana kwa msingi wa haki mzigo wa kuiunda upya kampuni ya Airbus ya kutengeneza ndege barani Ulaya.

Viongozi hao wametowa taarifa ya wito wao huo kufuatia mazungumzo yao mjini Meseberg kaskazini mwa mji mkuu wa Ujerumani Berlin.Chirac baaade aliwaambia waandishi wa habari yeye na Merkel wana imani kwamba uongozi wa kampuni ya Airbus utachukuwa maamuzi ya haki wakati utakapoamuwa juu ya upunguzaji wa ajira na ufungaji wa viwanda vyake katika nchi zote mbili za Ufaransa na Ujerumani.

Kampuni ya Airbus inaajiri takriban watu 21,000 katika sehemu zake saba nchini Ujerumani na maafisa wa Ujerumani wana wasi wasi kwamba sehemu hizo ndio zitakazoathirika na upunguzaji huo wa wafanyakazi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com