1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Magenge yashika doria katika mkoa wa bonde la ufa nchini Kenya

Upinzani wautaka Umoja wa Afrika upeleke walinda amani kukomesha mauaji

default

Raia wakiyakimbia machafuko ya kikabila magharibi mwa Kenya

Magenge ya wapiganaji waliokuwa wamejihami na marungu, magongo yaliyochongwa na mapanga yameshika doria hii leo katika barabara za mkoa wa bonde la ufa nchini Kenya.

Mamia ya watu wameyakimbia mashambulio ya kikabila kwenye misafara iliyokuwa chini ya ulinzi mkali wa polisi.

Polisi wamefyatua risasi angani kulitawanya genge moja lililokuwa likikilinda kizuizi cha barabarani ili kuruhusu basi lililokuwa limewabeba wakimbizi lipite.

Baadhi ya vijana waliokuwa na mishale ya sumu katika kizuizi hicho wamesema walikuwa wakilinda amani wakiwalaumu polisi kwa kuegemea upande mmoja na kutumia nguvu kupita kiasi dhidi ya wananchi.

Matukio haya yametokea siku moja kabla mazungumzo ya kutafuta suluhisho kwa mgogoro wa kisiasa yanayoongozwa na katibu mkuu wa zamani wa Umoja wa Mataifa, Kofi Annan, yakitarajiwa kuingia awamu muhimu hapo kesho.

Hii leo upinzani nchini Kenya umeutaka Umoja wa Afrika upeleke wanajeshi wa kulinda amani kumaliza machafuko yanayoendelea nchini humo.

Kiongozi wa upinzani, Raila Odinga, amesema chama chake kimejitolea kwa dhati kushiriki katika mazunguzo ya kutafuta suluhisho la kisiasa na kutaka mateso dhidi ya raia yakome.

Aidha kiongozi huyo amesema chama chake cha Orange Democratic movement, ODM, hakitajondoa katika mazungumzo hayo.

  • Tarehe 03.02.2008
  • Mwandishi Josephat Charo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D1k0
  • Tarehe 03.02.2008
  • Mwandishi Josephat Charo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D1k0

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com