LUSAKA: Rais wa zamani wa Zambia amelazwa hospitali

Rais wa zamani wa Zambia,Frederick Chiluba amelazwa hospitali baada ya kuzirai hiyo jana,ikiwa ni siku chache tu kabla ya kufanyiwa ukaguzi wa matibabu,kuona iwapo afya yake itamruhusu kukabiliana na kesi ya rushwa.Msemaji wake,Emmmanuel Mwamba amesema,Chiluba alianguka nyumbani kwake siku ya Alkhamisi.Chiluba,mwenye umri wa miaka 64 aliwahi kutibiwa kwa matatizo ya moyo,alipokuwa akichunguzwa kuhusika na kesi yake.Madaktari wa Zambia walitaka kuona iwapo Chiluba ni mzima wa kutosha kufika mahakamani.