1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON:Nchi zenye nguvu kujadili juu ya kupitisha vikwazo vikali dhidi ya Iran

Mataifa yenye nguvu duniani yanapanga kukutana nchini Uingereza wiki hii pamoja na shirika la kimataifa la kudhibiti matumizi ya technologia ya Nuklia IAEA kujadili vikwazo vipya dhidi ya Iran juu ya mpango wake wa kinuklia.

Maafisa kutoka nchi tano wanachama wa kudumu katika baraza la usalama la Umoja wa Mataifa pamoja na Ujerumani watakutana mwishoni mwa wiki hii mjini London.Mkutano huo ulitakiwa kufanyika wiki mbili zilizopita lakini China ilijiondoa.Mkutano huo unalenga kujadili uwezekano wa duru ya tatu ya azimio la baraza la usalama la Umoja wa Mataifa la kuiwekea vikwazo vikali zaidi Iran kwa kukaidi amri ya kuitaka isimamishe mpango wake wa Kinuklia.Mataifa hayo yalikubaliana mwishoni mwa mwezi Septemba kuchelewesha kura juu ya kupitisha vikwazo hivyo dhidi ya Iran kwa lengo la kusubiri ripoti zitakazotolewa Novemba na shirika la IAEA na mpatanishi wa Umoja wa Ulaya katika suala la Iran.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com