1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON : Mataifa makuu kufuatilia vikwazo dhidi ya Iran

Mataifa sita makubwa duniani yamekubaliana hapo jana kufuatilia suala la kuwekewa vikwazo Iran kutokana na mpango wake wa nuklea lakini imetowa tu taarifa isio kali ambayo imewacha bila ya ufumbuzi masuala ya ukubwa na wakati wa kuchukuliwa kwa hatua hizo za vikwazo.

Wanadiplomasia waandamizi kutoka Marekani,Uingereza, Ufaransa,Ujerumani,China na Russia wamesema katika taarifa ya pamoja baada ya mazungumzo hayo mjini London kwamba wamevunjwa moyo sana na kugoma kwa Iran kusitisha urutubishaji wa uranium ambayo ni hatua muhimu katika kutengeneza silaha za nuklea.

Zikionekana kugawika juu ya namna ya kuchukuwa hatua ya haraka wanadiplomasia hao wamesita kutangaza wazi kwamba mazungumzo ya Umoja wa Ulaya na Iran yameshindwa kufanikiwa.

Taarifa yao hiyo pia imeipuka kudai kwamba Iran iadhibiwe na Baraza la Usalama la Umoja wa Mataifa lakini imesema watajadili suala la vikwazo katika mazungumzo kwenye Umoja wa Mataifa.

Naibu Waziri wa mambo ya nje wa Urusi Alexander Alexeyev amesema suala la kutumia nguvu dhidi ya Iran halitokubaliwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com