1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON: Blair kutangaza siku ya kujiuzulu

Waziri mkuu wa Uingereza Tony Blair amesema kwamba atatangaza juma lijalo lini atakapojiuzulu kutoka kwa wadhifa wake.

Blair ameyasema hayo leo asubuhi wakati wa mahojiano na runinga moja mjini London, miaka kumi tangu chama cha Labour kiliposhinda uchaguzi mkuu na kuingia madarakani nchini Uingereza.

Waziri mkuu Blair amemsifu mrithi wake waziri wa fedha, Gordon Brown, akisema atakuwa kiongozi mahiri.

Sambamba na ripoti hiyo, jopo la wabunge watano wa Uingereza litachunguza jinsi shirika la ujasusi la MI5 lilivyoshughulikia habari kuwahusu washukiwa wawili wa mashambulio ya Julai saba mwaka wa 2005, kufuatia uamuzi wa jana wa mahakama.

Waingereza watano walihukumiwa kifungo cha maisha jela kwa kupanga kufanya mashambulio ya mabomu nchini Uingereza mnamo mwaka wa 2004.

Imefichuka kwamba shirika la ujasusi la MI5 lilikuwa likiwachunguza washukiwa wawili wa mashambulio ya Julai saba lakini likashindwa kuwachukulia hatua.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com