1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KINSHASA: Ugonjwa wa ebola wazuka

Maafisa nchini Jamhuri ya Kidemokrasia ya Kongo wamesema matokeo ya mahabara yamethibitisha kuwa ugonjwa uliozuka kusini mashariki mwa nchi hiyo ni homa ya ebola.

Waziri wa afya nchini Jamhuri ya Kidemokrasi ya Kongo, Makenge Kaput, amesema taasisi ya kupambana na kuenea kwa magonjwa ya Atlanta nchini Marekani na mahabara ya nchini Gabon zimethibitisha kuwa ugonjwa huo ni ebola, lakini hakutoa maelezo zaidi.

Watu zaidi ya 160 wamekufa kutokana na ugonjwa huo katika wilaya zilizoathirika za Mweka na Luebo tangu mwishoni mwa mwezi Agosti. Watu wengine takriban 400 wameambukizwa ugongwa huo wa ebola.

Ugonjwa wa ebola ulizuka mara ya mwisho nchini Jamhuri ya Kidemokrasia ya Kongo mnamo mwaka wa 1995 huko Kikwit ambapo watu 245 walifariki dunia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com