1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Khartoum. Serikali yatia saini makubaliano ya amani na waasi.

Serikali ya Sudan imetia saini makubaliano ya amani na kundi la waasi kutoka mashariki mwa nchi hiyo.

Makubaliano hayo yana lengo la kumaliza mzozo uliodumu kwa muda wa miaka 12 baina ya pande hizo mbili.

Utiaji saini huo ulifanyika katika mji wa Asmara, mji mkuu wa Eritrea nchi ambayo imesaidia katika kupata makubaliano hayo ambayo ni pamoja na mgawano wa madaraka pamoja na utaratibu wa kiusalama kwa ajili ya jimbo hilo la mashariki mwa Sudan.

Makubaliano hayo ni ya tatu ya amani kutiwa saini na serikali ya Khartoum pamoja na makundi ya waasi katika maeneo kadha ya nchi hiyo kubwa ya Afrika katika muda wa miaka miwili.

Makubaliano kati ya Khartoum na kundi kubwa la waasi katika jimbo la Darfur yalitiwa saini mwezi May mwaka huu lakini yameshindwa kuendelea.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com