1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JUBA:Viongozi wa waasi wa LRA wahofia kukamatwa !

Waasi wa Lord Resistance Army wa nchini Uganda wamesema kuwa hawatatia siani mapatano ya kuleta amani baina yao na serikali ya nchi hiyo ikiwa waranti juu ya kukamatwa viongozi wao hazitabatilishwa .

Wawakilishi wa waasi hao wanafanya mazungumzo na serikali ya Uganda kusini mwa Sudan juu ya kumaliza vita vilivyochukua muda wa miaka 20.

Mahakama ya kimataifa ya mjini the Hague imetoa waranti juu ya kukamatwa ,makamanda wanne wa kundi hilo la waasi ili kujibu tuhuma juu ya ukatili uliofanywa wakati wa vita hivyo.

Makamanda hao wanataka wapewe uhakikisho kuwa hawatakamatwa baada ya mapatano ya kuleta amani kutiwa saini.

Serikali ya Uganda haijasema chochote juu ya tashi la waasi hao .

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com