1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD:Mapambano ya risasi yaendelea huko Islamabad

Mapambano ya risasi yamezuka tena leo hii katika msikiti uliotekwa mjini Islamabad siku moja baada ya mapambano yaliyosababisha kuuwawa kwa watu 16. Wanafunzi kwenye msikiti huo walifyatuliana risasi na vikosi vya usalama baada ya polisi kurusha gesi ya kutoa machozi katika msikiti huo. Viongozi wenye itikadi kali wa msikiti wa Lal Masjid mjini Islamabad wamekataa kusalimu amri baada ya kumalizika muda uliowekwa na serikali wa kuwataka wajisalimishe.

Zaidi ya wafuasi wao 700 wamejisalimisha wakati vikosi vya wanajeshi wa serikali vikiimarisha usalama nje ya msikiti huo.

Takriban watu kumi waliuwawa hapo jana katika mapambano ya risasi kati vikosi vya polisi na wanafuanzi wenye itikadi kali.

Wapatanishi wa mzozo huo ambao ni wanadini wameshindwa katika majaribio ya kutafuta suluhu .

Wanafunzi wenye msimamo mkali wa kidini wanaowaunga mkono viongozi wao wa kidini wanataka kuanzisha sheria ya kiislamu inayofuata mfumo wa kitaliban katika mji huo wa Islamabad.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com