1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Islamabad. Ujumbe watumwa kujadiliana na viongozi wa kidini.

Serikali ya Pakistan imetuma ujumbe katika msikiti uliozingirwa ili kujaribu kupata makubaliano juu ya kumalizika kwa mkwamo wa siku saba sasa na wapiganaji wenye silaha.

Ujumbe huo unaongozwa na waziri mkuu wa zamani Chaudhry Shujaat Hussain na pia unajumuisha viongozi wakuu wa kidini. Waziri wa habari Mohammed Ali Durrani amesema kuwa bado kuna nafasi nyingi za kutatua mzozo huo.

Abdul Rashid Ghazi, kiongozi wa kidini ambaye anaongoza upinzani huo wa msikiti , anaripotiwa kuwa amekubali kuwa na mazungumzo na ujumbe huo.

Serikali inawashutumu wanaharakati hao kwa kuwazuwia wanawake na watoto na kuwatumia kama ngao katika msikiti.

Hadi sasa , zaidi ya watu 20 wameuwawa tangu jeshi lizingire msikiti huo na mapigano yalizuka wiki iliyopita.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com