1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

HARARE: Morgan Tsvangirai apokea matibabu hospitalini

Kiongozi wa chama kikuu cha upinzani nchini Zimbabwe,bwana Morgan Tsvangirai anapokea matibabu hospitalini baada ya kuachiwa huru pamoja na wanaharakati wengine wapatao darzeni kadhaa.Kiongozi huyo na wafuasi wengine wa upande wa upinzani walipigwa vibaya na polisi baada ya kukamatwa siku ya Jumapili.Tsvangirai anaekiongoza chama kikuu cha upinzani nchini Zimbabwe cha MDC,alipata majeraha mabaya kichwani na usoni alipokuwa mikononi mwa polisi. Leo asubuhi alitazamiwa kufika mahakamani lakini hali yake mbaya haikumruhusu kwenda kortini.Kwa mujibu wa mwanadiplomasia wa Kimarekani nchini Zimbabwe, hali ya kiongozi huyo wa upinzani ni “mbaya sana.”Wakati huo huo,Kamishna wa Shirika la Haki za Binadamu la Umoja wa Mataifa,Louise Arbour ametoa wito wa kufanywa uchunguzi huru kuhusu madai ya kupigwa na polisi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com