1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GENEVA: Migogoro imeongeza wakimbizi duniani

Idadi ya wakimbizi duniani imeongezeka kwa mara ya kwanza,baada ya miaka mitano.Kwa mujibu wa ripoti ya Umoja wa Mataifa iliyotolewa leo hii, watu wanaoikimbia Iraq iliyoteketezwa kwa vita, imechangia kuongezeka kwa idadi ya wakimbizi duniani.Mkuu wa Shirika linaloshughulikia wakimbizi-UNHCR amesema,kote duniani sasa kuna wakimbizi milioni 9.9.Hadi mwisho wa mwaka 2006, Wairaqi milioni 1.5 walikimbilia nchi za ngámbo. Vile vile,idadi ya watu waliopoteza makazi yao katika nchi zao imeongezeka hadi 20.5.Mbali na Iraq,migogoro ya nchini Lebanon, Timor ya Mashariki,Sudan na Sri Lanka imelaumiwa kusababisha kuongezeka kwa idadi ya wakimbizi duniani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com