1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Gaza. Israel yashambulia kundi la Hamas.

Israel kwa mara nyingine tena imeelekeza mashambulizi yake dhidi ya kundi la Hamas katika ukanda wa Gaza jana Ijumaa wakati makundi hasimu ya Kipalestina yakiendelea kupigana katika mitaa.

Watu 10 wameuwawa kwa jumla tangu Israel kuanza mashambulizi ya angani siku ya Alhamis.

Rais wa serikali ya Palestina , Mahmoud Abbas, ameitaka Marekani kuizuwia Israel kufanya mashambulizi yake.

Ismail Haniyah, waziri mkuu wa mamlaka ya Palestina na mwanachama wa Hamas , amewataka Wapalestina kuungana dhidi ya uvamizi wa Israel.

Makubaliano kadha ya kusitisha mapigano yamevunjika baina ya chama cha Hamas na Fatah cha rais Abbas katika muda wa wiki moja iliyopita na karibu watu 50 wameuwawa katika mapigano hayo.

Wakati huo huo mwandishi habari wa televisheni ya Abu Dhabi ameachiliwa huru. Televisheni hiyo imekilaumu chama cha Hamas kwa kumteka nyara Abdel Salam Abu Ashkar, dai ambalo Hamas wanalikana.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com