1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA CITY : Afisa mwandamizi wa Fatah auwawa

Mapigano ya makundi ya wanamgambo wa Kipalestina yamezuka tena katika Ukanda wa Gaza na kuuwa watu 13 akiwemo kiongozi mwandamizi wa kundi la Fatah hapo jana.

Mmojawapo ya waasisi wa kikosi cha Fatah cha Mashahidi wa Al Aqsa Jamal Abu al- Jedian ameuwawa wakati wapiganaji wa Hamas walipovamia nyumba yake huko Beit Lahiya.Watu wengine wanne waliuwawa wakati makundi hasimu ya Hamas na Fatah yalipombana kwenye eneo la hospitali moja kaskazini mwa Ukanda wa Gaza.

Mapema hapo jana Waziri Mkuu Ismail Haniyeh wa kundi la Hamas ilibidi asitishe mkutano wake wa kila wiki wa baraza la mawaziri baada ya risasi kufyatuliwa kwenye jengo lake.

Maafisa wa Hamas wamesema wanaharakati wa Fatah walihusika na ufyatuaji huo wa risasi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com