1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

DHAKA.´Maandamano ya kudai mageuzi yaingia siku yake ya pili

Maandamano ya upinzani kudai mageuzi katika utaratibu wa uchaguzi nchini Bangladesh yamechipuka upya mitaani huku mgomo wa kitaifa ukiingia siku yake ya pili na kuzorotesha shughuli zote za kawaida nchini humo.

Maelfu ya waandamanaji walijikusanya katika barabara kuu za mji wa Dhaka kulalamika juu ya mgogoro wa kisiasa unaoendelea kuhusu uchaguzi mkuu ujao wa mwezi Januari mwakani.

Serikali ya mpito ya rais Lajuddin Ahmed imetishia kutuma wanajeshi ikihitajika ili kudumisha amani na utulivu.

Jana mtu mmoja aliuwawa na wengine kadhaa wakajeruhiwa baada ya waandamanaji walipoiwasha moto treni moja na kuwashambulia wafanyakazi wa shughuli za uchukuzi waliokataa kugoma.

Muungano wa vyama kumi na nne vya upinzani umeandaa mgomo huo kuhakikisha uchaguzi wa Januari unakuwa huru na wa haki.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com