Castro adokeza kuwa atang’atuka.

Havana.

Kiongozi wa kimapinduzi wa Cuba ambaye ni mgonjwa Fidel Castro amezungumza uwezekano wa kustaafu katika barua iliyosomwa katika televisheni ya taifa ya Cuba jana. Castro , ambaye hajaonekana hadharani kwa muda wa miezi 16, amedokeza kuwa hata rejea madarakani na badala yake ataendelea kuchukua jukumu la kuelekeza kama mzee wa busara, akiishauri serikali ya kikomunist kuhusu masuala muhimu.

Castro kwa muda alitoa madaraka kwa mdogo wake Raul mwezi Julai 2006 baada ya kufanyiwa upasuaji tumboni kutokana na ugonjwa ambao haukutajwa.