1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Bush asema mkataba amani Mashariki ya Kati kupatikana katika kipindi cha mwaka mmoja

RAMALLAH

Rais George W. Bush wa Marekani leo hii ametabiri kwamba mkataba wa amani Mashariki ya Kati utatiwa saini wakati atakapokuwa anaondoka madarakani katika kipindi kisichozidi mwaka mmoja na hiyo kuwapatia Wapalestina taifa lao wenyewe waliokuwa wakilisubiri kwa muda mrefu.

Lakini katika ziara yake ya kwanza kwenye eneo la Wapalestina linalokaliwa kwa mabavu na Israel la Ukingo wa Magharibi Bush amesema pande zote mbili Israel na Wapalestina inabidi zifanye maamuzi magumu ili kufanikisha kupatikana kwa amani kutokana na kuendelea kuwepo kwa tafauti kubwa kama ilivyojionyesha kwenye mazungumzo ya amani yaliofufuliwa upya hivi karibuni.

Bush ambaye anatarajia kujipatia ushindi mkubwa wa sera za kigeni kabla ya kuondoka madarakani hapo mwezi wa Januari mwaka 2009 kufuatia kushindwa mara kadhaa kwa tawala zilizopita za Marekani kuleta amani amesema taifa la Palestina lazima lipakane na kuwa na ujirani mwema na Israel.

Katika ziara yake hiyo Bush pia alikwenda Bethlehem katika Ukingo wa Magharibi na hapo kesho anatazamiwa kuelekea Kuwait kituo chake cha pili cha ziara yake ya siku nane Mashariki ya Kati.

  • Tarehe 10.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cnq4
  • Tarehe 10.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cnq4

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com