1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BRUSSELS: Umoja wa Ulaya kuisaidia Peru

Halmashauri ya Umoja wa Ulaya imeahidi kutoa kiasi cha euro milioni moja kwa ajili ya misaada ya dharura kwa waathirika wa tetemeko la ardhi lililotokea juzi Jumatano nchini Peru.

Taarifa iliyotolewa kwa vyombo vya habari inasema uamuzi huo umepitishwa na idara ya misaada ya kibinadamu ya halmashauri hiyo, ECHO, kuzisaidia juhudi za mashirika yasiyo ya kiserikali na mashirika ya misaada ya Umoja wa Mataifa katika eneo hilo lililokumbwa na mtetemeko huo wa ardhi.

Juhudi hizo zitajumulisha ujenzi wa makaazi, utoaji wa huduma za matibabu na chakula.

Hali halisi katika eneo lililoathiriwa na tetemeko la ardhi kwa sasa haijulikani kwa sababu ya ukosefu wa njia za kwenda katika eneo hilo.

Watu takriban 500 waliuwawa na wengine zaidi ya 1,000 kujeruhiwa katika tetemeko hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com