1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Bibi wa Kifaransa ashikwa mateka Lamu, Kenya

Walinzi wa mwambao nchini Kenya wanapambana na wahalifu waliojihami kwa silaha wanaomshikilia mateka bibi mmoja wa Kifaransa.

default

Ramani ya Kenya

Taarifa zinaeleza kuwa wahalifu hao wamefyatua risasi angani. Kwa mujibu wa mpenzi wa bibi huyo, John Lepapa, watu sita waliofunika nyuso zao na kujihami kwa silaha, waliwavamia walipokuwa kwenye nyumba yao ya binafsi iliyoko ufuoni mwa bahari kwenye eneo la Manda.

Katika purukushani zote hizo, wahalifu hao walimuamuru bibi huyo wa Kifaransa aliye na umri wa kiaka 66 na mpenzi wake wake pamoja na wasaidizi wa nyumbani kulala kifudifudi kabla ya mmoja wao kumkamata na kumpeleka kwenye mashua iliyokuwa ikisubiri ufuoni.

Flash-Galerie Piraterie Somalia Kenia Polizei

Kitengo cha kupambana na waharamia nchini Kenya kwenye eneo la mpakani na Somalia.

Pindi baada ya tukio hilo, Waziri wa Utalii, Najib Balala, aliyezungumza na shirika la habari la Reuters, alithibitisha kuwa vurumai hizo zinatokea katika eneo linalopakana na Somalia na wahalifu hao wanafyatua risasi angani ili kuwatia hofu watu walio karibu. Kulingana na Waziri Najib Balala, jambo linalotia wasiwasi ni kuwa endapo watalizamisha boti alilomo bibi huyo wa Kifaransa ambaye ni mlemavu, huenda akayapoteza maisha yake. 

Mpenzi wa bibi huyo Lepapa aliye na umri wa miaka 39 amesema bibi huyo wa Kifaransa anaumwa saratani na hana dawa anazozihitaji kwa dharura.

Kenia Piraterie MV York

Meli inayopiga doria kwenye pwani ya Kenya

Wakati huohuo, Ufaransa imetoa ilani rasmi kuwaonya raia wake kutolizuru eneo la Lamu linalopakana na nchi ya Somalia.

Mwandishi: Mwadzaya, Thelma-RTRE,AFPE Mhariri: Mohamed, Dahman
  • Tarehe 01.10.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12kMz
  • Tarehe 01.10.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12kMz

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com