1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Wajerumani wapinga ujenzi wa msikiti

Wajerumani takriban 50 jana walifanya maandamano kupinga kuanza kwa ujenzi wa msikiti wa kwanza katika eneo la mashariki mwa Ujerumani. Maofisa 90 wa polisi walitumwa katika wilaya ya Pankow-Heinersdorf kulinda usalama. Msemaji wa polisi, Marcel Kuhlmey, amesema maandamano hayo yalifanyika kwa amani licha ya waandamanaji kuwa na hasira.

Msikiti huo unadhaminiwa na jamii ya waislamu ya Ahmadiyya iliyo na wafuasi 30,000 nchini Ujerumani. Inakadiriwa waumini takriban 200 wanaishi katika mji mkuu Berlin.

Wakaazi wa eneo kunakojengwa msikiti huo wamekasirishwa wakilalamika kwamba hawakushauriwa kuhusu ujenzi wa msikiti huo na wala hakuna muislamu yeyote wa Ahmadiyya anayeishi katika eneo hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com