1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN : Mkuu wa chama cha kampuni za magari ajiuzulu

Mkuu wa Chama cha makampuni ya magari ya Ujerumani VDA amejiuzulu ghafla lakini amekanusha kwamba ni kwa sababu ya itikio baya la mjadala wa Ulaya juu ya mabadiliko ya hali ya hewa.

Bernd Gottschalk amekuwa rais wa VDA tokea mwaka 1996.Jarida la habari la Spiegel limesema makampuni makuu ya magari nchini Ujerumani yalikuwa yakimshutumu Gottschalk kwa kudharau suala la mabadiliko ya hali ya hewa na kushindwa kuonyesha jitihada ambazo tayari zimechukuliwa na makampuni hayo kupunguza utowaji wa gesi za carbon di oxide.

Kundi jengine la kupiga debe ambayo ni klabu ya usafiri ya ekolojia VCD imeshutumu makampuni ya magari ya Ujerumani kwa kushindwa kutengeneza magari yenye kuzingatia utunzaji wa mazingira.

Viongozi wa Umoja wa Ulaya hapo Ijumaa wamekubaliana kupunguza kwa asilimia 20 utowaji wa gesi zenye kuathiri mazingira na kuongeza mara tatu zaidi matumizi ya nishati zinazoweza kutumiwa upya za nguvu za upepo,jua na maji ifikapo mwaka 2020.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com