1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN : Merkel aitaka Uturuki kuvumilia dini nyengine

Kansela Angela Merkel wa Ujerumani ameitaka Uturuki kuchukuwa hatua kuonyesha kwamba ni taifa linalovumulia Ukristo.

Kauli yake hiyo inakuja kufuatia kuuwawa kwa Wakristo watatu akiwemo Mjerumani mmoja katika mji wa kusini wa Uturuki wa Malatya wiki iliopita.

Merkel amesema katika mahojiano ya toleo la leo la gazeti la Ujerumani kwamba mauaji hayo ni kielelezo cha kutokukubalika kwa uvumilivu. Watu hao watatu wawili wakiwa ni Waturuki waliobadili dini na kuingia Ukristo walikutikana wakiwa wamekufa baada ya kuchinjwa kwenye nyumba ya kuchapisha Biblia Jumatano iliopita.

Hata hivyo Merkel ambaye nchi yake inashikilia urais wa kupokezana wa Umoja wa Ulaya amesema kwamba tukio hilo halitoathiri mazungumzo ya Uturuki kujiunga na Umoja wa Ulaya.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com