1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Marekani yadai kuwepo silaha kutoka Iran nchini Afghanistan

Waziri wa Ulinzi wa Marekani, Robert Gates, amesema silaha kutoka Iran zinatumika nchini Afghanistan.

Robert Gates, ambaye hapo awali hajaishutumu Iran moja kwa moja, amesema uchunguzi wa hivi karibuni umeonyesha baadhi ya silaha zinazotumiwa na wanamgambo nchini Afghanistan zinatoka Iran.

Hata hivyo waziri huyo amesema hajapata ushahidi kwamba serikali ya Iran inahusika.

Waziri Robert Gates alikuwa akizungumza na waandishi wa habari katika kituo cha kijeshi cha Ramstein nchini Ujerumani akiwa njiani kuelekea Brussels anakotarajiwa kushauriana na mawaziri wenzake wa NATO kuhusu Afghanistan na pia kituo cha kukinga makombora kilichopendekezwa kujengwa katika Ulaya Mashariki.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com