1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIRUT: Hezbollah yataka uchaguzi wa mapema

Upinzani nchini Libnan, unaoongozwa na kundi la Hezbollah linaloiunga mkono Syria, unataka uchaguzi wa mapema ufanyike katika juhudi za kuutanzua mgogoro wa kisiasa nchini Libnan. Haya yanafuatia hatua ya serikali ya waziri mkuu Fouad Siniora kukataa kuundwa kwa serikali mpya ya umoja wa taifa.

Wafuasi wa upinzani wamekuwa wakifanya maandamano makubwa tangu Disemba mosi wakitishia kuipindua serikali ambayo wanasema si halali tangu mawaziri sita wanaoiunga mkono Syria walipojiuzulu mwezi uliopita. Kiongozi wa jumuiya ya nchi za kiarabu, Amr Moussa, amekuwa akijaribu kuzipatisha pande hizo mbili, lakini hakuna ufanisi mkubwa uliopatikana mjini Beirut juma lililopita.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com