1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Baraza la Haki za Binadamu lalaani ukandamizaji Syria

Baraza la Haki za Binadamu la Umoja wa Mataifa limehimiza hatua kali kuchukuliwa dhidi ya Syria baada ya kupata ushahidi kuwa vikosi vya usalama vya Syria vimewaua na kuwatesa wapinzani wa serikali.

U.N. High Commissioner for Human Rights South African Navanethem Pillay gestures during a press conference at the European headquarters of the United Nations in Geneva, Switzerland, Tuesday, Dec. 8, 2009. Libya should release two Swiss businessmen it has sentenced to 16 months in jail for visa infractions in a spat with Switzerland involving leader Moammar Gadhafi's son, the U.N. human rights chief said Tuesday. The businessmen Max Goeldi and Rachid Hamdani were detained in July 2008 on alleged visa violations, days after Swiss police arrested Gadhafi's son Hannibal and his wife for allegedly beating up their servants in a Geneva hotel. (AP Photo/Keystone/Salvatore Di Nolfi)

Mkuu wa Baraza la Haki za Binadamu la UN, Navi Pillay

Nchi wanachama wa baraza hilo, vile vile wamekubaliana kumteua mchunguzi maalum na kuwasilisha ripoti ya ukiukaji wa haki za binadamu kwa Katibu Mkuu wa Umoja wa Mataifa Ban Ki-moon. Mkutano wa dharura uliitishwa kuijadili ripoti ya Tume ya Uchunguzi kuhusu Syria iliyoteuliwa na Baraza la Haki za Binadamu mapema mwaka huu. Kwa mujibu wa ripoti hiyo, vikosi vya usalama vimefanya uhalifu dhidi ya binadamu ikiwa ni pamoja na kuwaua watoto 307 tangu serikali ya Syria ilipoanza kuwakandamiza wapinzani wake.

Umoja wa Ulaya umesema, kura iliyopigwa na Baraza la Haki za Binadamu siku ya Ijumaa, inatuma ujumbe mkali kwa serikali ya Rais Bashar al-Assad kuacha kutumia mabavu. Mkuu wa sera za nje za Umoja wa Ulaya, Catherine Ashton amesema azimio lililopitishwa linatoa ishara dhahiri kabisa kwa umma wa Syria kuwa unaungwa mkono na jumuiya ya kimataifa. Lakini, Urusi, mshirika mkubwa wa Syria, imelipinga azimio hilo na imeonya kutolitumia kama sababu ya kuchukuliwa hatua ya kijeshi.

U.S. Secretary of State Hillary Rodham Clinton addresses a news conference at U. S. embassy in Islamabad, Pakistan Friday, May 27, 2011. Clinton said that relations between the United States and Pakistan had reached a turning point after the killing of Osama bin Laden and Islamabad must make decisive steps in the days ahead to fight terrorism. (AP Photo/B.K.Bangash)

Waziri wa Mambo ya Nje wa Marekani, Hillary Clinton

Wakati huo huo, Waziri wa Mambo ya Nje wa Marekani Hillary Clinton amesema, hatua ya baraza hilo, pamoja na vikwazo vya Umoja wa Nchi za Kiarabu na hatua zingine za kimataifa, zinadhihirisha kuwa serikali ya Assad sasa inazidi kutengwa na kushinikizwa na jumuiya ya kimataifa kuliko hapo awali. Nae Waziri wa Nje wa Ufaransa, Alain Juppe amesema, azimio la Baraza la Haki za Binadamu mara nyingine linathibitisha kuwa serikali ya Syria inazidi kutengwa na jumuiya ya kimataifa inayotaka kukomesha ukandamizaji nchini humo.

Mkuu wa Baraza la Haki za Binadamu, Navi Pillay alipouhotubia mkutano wa hapo jana katika makao makuu mjini Geneva,Uswisi alionya kuwa ukandamizaji wa kikatili unaofanywa Syria unaweza kuitumbukiza nchi hiyo katika vita vya wenyewe kwa wenyewe.

Mwandishi: Martin,Prema/AFPE

Mhariri: Mnette, Sudi

  • Tarehe 03.12.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/13LtZ
  • Tarehe 03.12.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/13LtZ

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com