1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD:Waandishi wa habari wauwawa Irak

Mwandishi wa gazeti la Washington Post la Marekani wa nchini Irak na waandishi wengine wawili wameuwawa kwa kupigwa risasi.

Salih Saif Aldin aliyekuwa na umri wa miaka 32 aliuwawa alipokuwa kazini katika kitongoji cha Sadaquiya mjini Baghdad.

Aldin atakumbukwa kwa mchango wake mkubwa alioutoa katika kupasha habari kutoka nchini Irak.

Katika kisa kingine kundi la watu waliokuwa na bunduki waliwafyatulia risasi waandishi wa habari wa gazeti la Salahaddin waliokuwa ndani ya magari mawili katika jimbo la Kirkuk.

Mwandishi mmoja ameuwawa na wengine wawili wamejeruhiwa katika shambulio hilo.

Kamati ya kuwalinda waandishi wa habari imesema kuwa takriban waandishi habari 118 wameuwawa nchini Irak.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com