1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Baghdad. Watu sita wauwawa, wanajeshi watatu wa Marekani pia wauwawa.

Bomu lililokuwa limetegwa ndani ya gari limeua karibu watu sita katikati ya mji wa Baghdad. Polisi wamesema kuwa watu kadha pia wamejeruhiwa katika mlipuko huo, ambao ulitokea saa chache baada ya kumalizika kwa marufuku ya kutotembeza magari, hatua iliyochukuliwa kabla ya mchezo wa fainali kati ya Iraq na Saudi Arabia.

Ushindi wa Iraq katika mchezo huo wa kombe la mataifa ya Asia ulizusha shamra shamra kubwa katika mji huo mkuu, huku risasi zikifyatuliwa hewani licha ya marufuku iliyowekwa na serikali.

Polisi mjini Baghdad na mji wa Kut wameripoti kuwa kiasi cha watu saba wameuwawa na zaidi ya 50 wamejeruhiwa kutokana na risasi zilizofyatuliwa hovyo.

Wakati huo huo , jeshi la Marekani limesema kuwa wanajeshi wake watatu wameuwawa katika mapigano katika jimbo la Anbar magharibi ya mji mkuu Baghdad.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com