1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD: Wairaki washangilia ushindi wa timu yao

Milio ya risasi imesikika leo mjini Baghdad huku Wairaki wakisheherekea ushindi wa timu yao ya taifa ya kandanda kufuzu kuingia fainali ya kuwania kombe la Asia. Irak iliishinda Korea Kusini kwa mabao 4-3 kupitia mikwaju ya penalti.

Barabara za mji mkuu Baghdad leo zilijaa mashabiki wa soka waliokuwa wakipeperusha bendera za taifa na kupiga kelele za shangwe.

Televisheni ya taifa imetangaza onyo lililotolewa na makamanda wa jeshi la Irak wakitaka watu wasifyatue risasi angani lakini hakuna aliyelitii onyo hilo.

Ni utamaduni wa Wairak kufyatua risasi angani wakati wa furaha, lakini risasi hizo huua watu zinapoanguka. Watu watatu waliuwawa na wengine takriban 50 kujeruhiwa wakati Irak ilipoishinda Vietnam na kuingia nusu fainali Jumamosi iliyopita.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com