1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD : Naibu waziri mkuu ajeruhiwa

Naibu waziri mkuu wa Iraq Salam al-Zubayi yuko mahtuti baada ya kujeruhiwa katika shambulio la kujitowa muhanga maisha kwa kujiripuwa katika msikiti wa Baghdad ulio karibu na nyumba yake.

Polisi inasema takriban watu tisa wameuwawa katika shambulio hilo na wengine zaidi ya 12 kujeruhiwa.Mshambuliaji huyo alijiripua wakati Zubayi na waumini wengine walipokuwa wakiondoka msikitini katika eneo lenye ulinzi mkali la Ukanda wa Kijani ambayo ni makao makuu ya serikali.Polisi imesema gari lilioegeshwa karibu liliripuka wakati huo huo.

Kuna tetesi kwamba shambulio hilo dhidi ya naibu waziri mkuu huyo wa madhehebu ya Sunni yumkini likawa limetokana na habari zilizotoka ndani ya ofisi yake.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com