1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD : Brown apinga uchunguzi wa vita Iraq

Waziri Mkuu mteule wa Uingereza Gordon Brown yuko nchini Iraq kwa kile maafisa wa serikali yake wanachosema ni ziara ya kutafuta ukweli ambayo imejumuisha mazungumzo na Waziri Mkuu wa Iraq Nuri al- Maliki.

Ziara yake hiyo inakuja wakati kukiongezeka wito kutoka kwa chama cha upinzani cha Conservative nchini Uingereza wa kuanzishwa uchunguzi rasmi juu ya namna serikali ilivyoshughulikia vita vilivyoongozwa na Marekani nchini Iraq.

Akipinga wito huo Brown ambaye ni waziri wa fedha anayetarajiwa kuchukuwa nafasi ya Tony Blair mwishoni mwa mwezi huu amesema kipau mbele cha kwanza ni kuyasaidia majeshi yalioko nchini Iraq.

Brown amesema tayari wamepunguza idadi ya wanajeshi wao nchini Iraq lakini wana wajibu na wamewaahidi wananchi wa Iraq wajibu walioahidi kutimiza pamoja na nchi nyengine kwa kupitia Umoja wa Mataifa.

Wakati Brown akikataa wito huo wa uchunguzi kutokana na kuwa sio wakati muafaka hakufuta uwezekano wa kufanyika kwa uchunguzi huo hapo baadae.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com