1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Asmara. Eritrea yakanusha kuhusika na utekaji nyara raia wa Uingereza.

Eritrea imekanusha kuhusika katika tukio la kukamatwa kwa kundi la raia wa Uingereza katika eneo la kaskazini mashariki ya Ethiopia. Msemaji wa serikali ya Eritrea amesema kuwa shutuma hizo hazina msingi wowote.

Raia hao watano wa Uingereza , ikiwa ni pamoja na mfanyakazi wa ubalozi , na raia 13 wa Ethiopia waliokuwa waongozaji wa kundi hilo wamepotea siku nne zilizopita katika jimbo la Afar.

Imeripotiwa kuwa watano kati ya Waethiopia 13 wamepatikana na majeshi ya usalama karibu na mpaka wa nchi hiyo na Eritrea. Maafisa wa wizara ya mambo ya kigeni wa Uingereza wamewasili katika mji mkuu wa Ethiopia , Addis Ababa, wakati kundi la wanajeshi maalum wa Uingereza linasemekana linajitayarisha.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com