1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ADDIS ABABA: Wapinzani 38 waachiliwa huru Ethiopia

Serikali ya Ethiopia imeachilia huru kundi la wapinzani 38,baada ya kukosolewa na jumuiya ya kimataifa kwa sababu ya kutoa adhabu kali.Mahakama Kuu ya Ethiopia,siku ya Jumatatu ilitoa kifungo cha maisha kwa washtakiwa 35 na wengine 8 walipewa kifungo cha jela,kuanzia miezi 18 hadi miaka 18.Watu hao 43 walishtakiwa kuwa walitaka kuipindua serikali,kufuatia uchaguzi wa mwaka 2005 uliozusha mabishano na machafuko makubwa.Waziri Mkuu wa Ethiopia,Meles Zenawi amesema,washtakiwa walioachiwa huru watapewa haki zao za kikatiba.Hata hivyo lakini,alisisitiza kuwa watarejeshwa jela ikiwa hawatoheshimu katiba na utawala wa kisheria.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com